'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Monday, 19 November 2012

असेही साजरे करता येऊ शकतात उत्सव

गौरव तोडकरच्या प्रयोगाला प्रचंड प्रतिसाद

अभियांत्रिकी महाविद्यालयांत शिकणाऱ्या आणि संगीत-नाट्य-वक्तृत्व कलेत पारंगत तसेच काहीतरी वेगळे करण्याची इच्छा व आवड असणाऱ्या युवकांचा एक गट निर्माण ४ च्या गौरव तोडकरने एकत्र जमवला आहे. या गटाने गणेशोत्सवात समाज व आपण, टिळकांनी गणेशोत्सव का सुरु केले, त्यात आज घडणारे गैरप्रकार यावर आधारित संगीत नाट्य मुंबईतील वाशी, काजूपाडा, कुर्ला येथील गणेश मंडळात सादर केले. या सर्व प्रयोगांना भरघोस प्रतिसाद मिळाल्याने दुर्गादेवी उत्सवात देखील त्यांनी याच प्रकारचे कार्यक्रम करायचे ठरवले. स्त्री व तिचा संघर्ष, जन्म व आई होईपर्यंत तिचा प्रवास या गटाने गाणे व नाट्यस्वरुपात सादर केला. हे पथक पार रत्नागिरीपर्यंत जाऊन आले. गौरव तोडकरने यात गाणी बसवणे, थीम ठरवणे, सार्वमत जाणून त्यानुसार काम करणे तर कधी थोडी कडक भूमिका घेऊन रिहर्सल करून घेणे, सर्व management पाहणे अशा प्रकाच्या जबाबदाऱ्या पार पाडल्या.

No comments:

Post a Comment