'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Monday, 19 November 2012

निर्माणच्या ५ व्या बॅचची यादी जाहीर

निर्माणच्या ४ बॅचेस पूर्ण झाल्या असून, ५ व्या बॅचसाठीची निवडप्रक्रिया गेले काही महिने सुरु होती. ही निवडप्रक्रिया आता पूर्ण झाली असून निर्माण ५ साठी निवडल्यागेलेल्या युवकांच्या नावाची यादी आपल्या संकेतस्थळावर (http://nirman.mkcl.org) जाहीर करण्यात आली आहे. निर्माण ५ साठी, मेडिकल व संलग्न शाखांची एक बॅच (5A)  व इतर सर्व शाखांची एक बॅच (5B) असे करण्याचे ठरविण्यात आले असून दोन्ही बॅचेस मिळून १५० निर्माणी निवडण्यात आले आहेत. ह्यामागे मुख्य दोन कारणे होती –

१.    सर्च संस्थेची पार्श्वभूमी असल्यामुळे, खास मेडिकल व संलग्न शाखांसाठी खूप उत्तम शिक्षणप्रक्रिया विकसित करता येऊ शकते हे मागील दोन हेल्थ कॅम्प्स मध्ये दर्शनास आले. मात्र निर्माण प्रक्रियेमध्ये मिश्र शाखांचे निर्माणी सहभागी असल्यामुळे ह्या शिक्षणप्रक्रियेवर मर्यादा येते.
२.    मेडिकल व इतर शाखांच्या परीक्षेच्या तारखा नियमितपणे क्लॅश होत असल्यामुळे शिबिराच्या नियोजनाच्या दृष्टीने खूप प्रश्न उद्भवतात. त्यामुळे दरच शिबिराला काही निर्माणींना हजर राहणे जमत नाही.   

दोन्ही मुद्द्यांचा विचार करता या वर्षी प्रायोगिक तत्त्वावर दोन वेगवेगळ्या बॅचेस केल्या आहेत. या प्रयोगाचा परिणाम व त्याला मिळणारा प्रतिसाद पाहून निर्माण ६ च्या निवड प्रक्रियेची नीती ठरवता येईल. ह्या शिबिरांच्या रचनेबद्दल आपल्या काही प्रतिक्रिया असल्यास नक्की कळवा.

No comments:

Post a Comment