'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Monday, 19 November 2012

उकल समितीची स्थापना

२३ ते २८ ऑक्टोबर दरम्यान आयोजित करण्यात आलेल्या निर्माणच्या वर्कशॉप मध्ये  एक खुले सत्र घेण्यात आले. त्यात सद्ध्या निर्माण प्रक्रियेमध्ये असणाऱ्या त्रुटी, निर्माणींबद्दल असणाऱ्या अंतर्गत तक्रारी ह्यावर मुक्तपणे संवाद साधण्यात आला. एखादी प्रक्रिया जेव्हा वाढू लागते तेव्हा तिच्यात नकळतपणे गुंतागुंत होण्याची शक्यता असते. ताकद लावून गुंता सोडवण्याचा प्रयत्न केल्यास गुंता वाढतच जातो. आपल्या ध्येयावरील लक्ष विचलीत होऊन ते गुंत्यामध्येच अडकून जाते. अशा वेळी गुंत्याची उकल करण्यासाठी  नाजूकपणे हाताळण्याची गरज असते. ह्यातूनच, निर्माणची एक उकल समिती असावी ही संकल्पना समोर आली.

निर्माण शिक्षणप्रक्रिया स्थापन होऊन आता ६ वर्ष झाली असून ३५० निर्माणी शिबिरांच्या प्रक्रियेतून गेले आहेत. तसेच निर्माण ५ चे १५० निर्माणी पुढल्यावर्षी येऊ घातले आहेत. ह्या शिक्षणप्रक्रियेच्या कामाला एक निश्चित संरचना देण्याची गरज आता जाणवू लागली आहे. त्यादृष्टीने पहिले पाऊल म्हणून निर्माण उकल समिती स्थापन करण्याचे वर्कशॉपमध्ये ठरवण्यात आले. त्यातील सदस्यांची निवड वर्कशॉप मध्ये सहभागी झालेल्या निर्माणींनी एकमताने केली. 

निर्माणींना प्रक्रियेविषयी किंवा इतर निर्माणींसोबत मतभेद (निर्माणच्या कक्षेतील) असतील तर ते खालील टप्प्यांमध्ये सोडवता येऊ शकतात.
१.    मतभेद असणाऱ्या निर्माणींनी संवाद साधून
२.    वरील मार्गाने स्वतःहून संवाद साधण्यास अडचण येत असेल तर उकल समितीतील सदस्य संवादपूल बनून मदत करतील.

पहिल्या वर्षी निर्माण उकल समितीचे सदस्य खालीलप्रमाणे आहेत –
१.    वेंकी अय्यर
२.    कल्याण टांकसाळे
३.    प्रियदर्श तुरे (सोनू)
४.    चारुता गोखले
५.    अतुल गायकवाड
६.    सायली तामणे

No comments:

Post a Comment