'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Sunday, 11 August 2013

सचिन बारब्दे छत्तीसगडमधील शहीद’ हॉस्पिटलमध्ये रुजू!

डॉ. सचिन बारब्दे (निर्माण १) जुलै महिन्यापासून छत्तीसगडमधील बलोद जिल्ह्यातील ‘शहीद हॉस्पिटल’मध्ये वैद्यकीय अधिकारी म्हणून रुजू झाला आहे. गेले सोळा महिने बिलासपूर मधील ‘जन स्वास्थ्य सहयोग’ या संस्थेत तो वैद्यकीय अधिकारी म्हणून काम करत होता, तर त्याआधी १ वर्ष त्याने गडचिरोली जिल्ह्यातील पेंढरीच्या प्राथमिक आरोग्य केंद्रात वैद्यकीय अधिकारी म्हणून जबाबदारी सांभाळली होती.
२०० खाटांचे हे ‘शहीद’ हॉस्पिटल ‘दल्ली राजारा’ या गावात असून प्रामुख्याने स्त्री रोग आणि प्रसूतीसंबंधीच्या वैद्यकीय सुविधा येथे उपलब्ध होतात. हे गाव लोखंडाच्या खाणींसाठी प्रसिध्द आहे. २०-३० वर्षांपूर्वी या खाणींमध्ये काम करणाऱ्या कामगारांच्या शोषणाविरुध्द बंगालमधील शंकर गुहा नियोगी यांनी बंड पुकारला आणि कामगारांना संघटीत केले. त्यांनी कामगारांच्या आरोग्याची काळजी घेण्यासाठी स्वतंत्र दवाखाना बांधावा अशी मागणी केली. अखेर तेथील कामगारांनी मिळून हे शहीद हॉस्पिटल बांधले. डॉ.विनायक सेन, साथी-सेहत या संस्थेचे संस्थापक डॉ. अभय शुक्ला हे या संस्थेशी अनेक वर्ष निगडीत होते.
सचिनने सुरु केलेल्या प्रवासासाठी त्याला हार्दिक शुभेच्छा!     
स्त्रोत- सचिन बारब्दे, barbdesachin@gmail.com

No comments:

Post a Comment