'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Sunday, 11 August 2013

मदतीचे आवाहन

प्रिय मित्र आणि मैत्रिणींनो,
कळवण्यास अत्यंत दुःख होते की, आपला निर्माण ४ चा मित्र हर्षद काकडे याचा जळगावला एक मोठा अपघात झाला. जंगलातून जातांना त्याच्या बाईकला एका रानडुक्कराची जोरात धडक लागल्यामुळे हा अपघात झाला होता. या अपघातात हर्षदची आई डोक्याला जोरात मार लागल्यामुळे त्याचवेळेस वारली. हर्षदच्या डोक्यालाही बरीच इजा झाली आहे.
ही बातमी कळल्यापासून निर्माण ४ चा आपला मित्र शाम पाटील त्याच्या सोबतच आहे. दवाखान्यात घेऊन गेल्यावर त्याच्या मेंदूची तत्काळ शस्त्रक्रिया जळगाव मध्ये झाली. ही शस्त्रक्रिया हर्षद कोमामध्ये जाऊ नये म्हणून महत्त्वाची होती. हर्षदच्या खांद्यालाही मार लागला असून त्याकारिताही उपचार सुरू आहेत. आत्तापर्यंत रु. १,५०,००० खर्च झाला आहे. हा भार बऱ्याच प्रमाणात शामने व काही प्रमाणात निर्माणच्या इतर युवांनी उचलला आहे. सुमारे ६०,००० रुपयांची व्यवस्था उसनवारीवर करावी लागली आहे. हर्षदच्या घरी एवढा खर्च करण्याची आज परिस्थिती नसल्यामुळे शामने सगळ्यांना मदतीचे आवाहन केले आहे. ज्यांना ज्यांना शक्य असेल त्यांनी कृपया जेवढी शक्य होईल तेवढी आर्थिक मदत करावी ही विनंती.
मदत करण्यासाठी/ याबद्दल आणखी माहिती हवी असल्यास कृपया शाम पाटीलसोबत संपर्क करावा.

 शाम पाटील shamp107@gmail.com

No comments:

Post a Comment