'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Saturday, 25 January 2014

सजल कुलकर्णी व प्रियदर्श तुरे ह्यांना हुंडाविरोधी चळवळीतर्फे युवा सन्मान जाहीर

पुरस्कार स्वीकारताना सजल
 गेली ४० वर्ष हुंडाविरोधी चळवळ प्रभावीपणे हुंडा आणि त्याभोवतालच्या प्रश्नांवर कार्यरत आहे. या चळवळीचे प्रणेते, स्वातंत्र्य सैनिक आणि साने गुरुजींचे मानसपुत्र स्व. मामासाहेब कुलकर्णी यांच्या स्मरणार्थ दर वर्षी युवा वैज्ञानिक पुरस्कार व सानेगुरुजी युवा पुरस्कार दिला जातो. ह्यावर्षी हे दोन्ही पुरस्कार अनुक्रमे सजल कुलकर्णी व प्रियदर्श तुरे (दोघेही निर्माण २) ह्यांना देण्यात आले.
पुरस्कार स्वीकारताना प्रियदर्श
१२ जानेवारीला स्वामी विवेकानंद जयंतीनिमित्त ह्या पुरस्कारांचे आयोजन करण्यात आले होते. सजल कुलकर्णीला त्याच्या कठाणी जातीच्या गाईवरील अभ्यासाबद्दल, तर प्रियदर्श तुरे ह्याला त्याच्या मेळघाटातील वैद्यकीय कामाबद्दल, तसेच बिहार व उत्तराखंडमधील मदतकार्याबद्दल देण्यात आला.
पुरस्कार वितरण प्रसंगी मुंबई विद्यापीठाचे कुलगुरू डॉ. राजन वेळूकर व माजी कुलगुरू डॉ. स्नेहलता देशमुख हजर होते. रोख रुपये १०,००० व प्रशस्तीपत्र असे ह्या पुरस्काराचे स्वरूप आहे. सजल व प्रियदर्श ह्यांना त्यांच्या पुढील वाटचालीसाठी खूप खूप शुभेच्छा. त्यांच्या कामाविषयी जाणून घेण्यासाठी नक्की संपर्क साधा.
प्रियदर्श तुरे, gracilis4@gmail.com ; 
सजल कुलकर्णी, sajalskulkarni@gmail.com

No comments:

Post a Comment