'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Tuesday, 10 January 2017

समतेच्या वाटेनं

समतेच्या वाटेनं, खणकावत पैंजण यावं
तू यावं, तू यावं, तू यावं
बंधन तोडीत यावं... ||धृ||

शेतात रानात, जिथं घामानं भिजली धरती
हिरव्या पिकांवरती, जिथं राघू हो डोलती
ऐसी या कष्टाची महती, गान कोकिळा बोलती
त्या सरीसरीतून, घाम-अत्तर लेवून यावं ||१||
तू यावं, तू यावं...

वाडे जातीपातीचे, ज्यात माणसं कोंडली
ऐसे जबरी विष, पिढी पिढी हो पोळली
हाडामासाची माणसं, कशी ना दिसली
वाडे जातीपातीचे, तू तोडत फोडत यावं ||२||
तू यावं, तू यावं...

अन्यायाविरुद्ध, जिथं मुठी हो वळल्या
इवल्याशा या चिमण्या, जिथं घारीशी हो भिडल्या
त्या युद्धभूमीतून, रक्तचंदन लेवून यावं ||३||
तू यावं, तू यावं
बंधन तोडीत यावं...

              - शंतनू कांबळे


No comments:

Post a Comment