'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Monday, 14 January 2019

गर्भार कास्तकारी

मातीत घालते जर, सरकार कास्तकारी..!
तक्रार मग कुणाला, करणार कास्तकारी..?
संत्ताध श्वापदांच्या, पाहून धोरणाला,
ही आज ना उद्याला, मरणार कास्तकारी..!
प्रत्यक्ष कर्जमाफी, देतो म्हणून नुसता,
करतोय भाषणांनी, गर्भार कास्तकारी...!
आश्वासनांस खोट्या, आता विराम द्यावा,
थापांमुळे खरे ही, बुडणार कास्तकारी..!
मालास भाव नाही, बेभाव बी बियाणे,
सांगा किती अजुनी, छळणार कास्तकारी..?
शासकिय धोरणांचा, करुनी निषेध यंदा,
उचलेल त्याविरोधी, हत्त्यार कास्तकारी..!
                                 - रमेश अरुण बुरबुरे
                                   मु. निंबर्डा, पो.शिरोली
                                  ता.घाटंजी, जी.यवतमाळ


No comments:

Post a Comment