'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Thursday, 9 May 2013

बी. जे. मेडिकलच्या मुलांनी जेनेरिक औषधांबद्दल समजून घेण्यासाठी घेतली डॉ. अनंत फडकेंची भेट


बी. जे. मेडिकल कॉलेजमध्ये प्रजासत्ताक दिना-निमित्त समाजासाठी महत्वपूर्ण असलेल्या वैद्यकीय शाखेशी निगडीत विषयांवर व्याख्यानमालिकेचे आयोजन करण्यात आले होते. ह्याचदरम्यान डॉ. अनंत फडके ह्यांच्याशी झालेल्या चर्चेतून 'जेनेरिक औषधे' हा विषय पुढे आला. त्याचवेळी कोर्टात सुरु असलेल्या नोव्हार्टिस प्रकरणामुळे ह्या विषयाला विशेष महत्त्व प्राप्त झाले होते. त्यानुसार जेनेरिक औषधे ह्या विषयावर मुलांची डॉ. फडकेंसोबत सखोल चर्चा झाली. डॉ. फडके हे लोकायतह्या संस्थेमार्फत जेनेरिक औषधांबद्दल जागृती करत असून त्यांचा ह्या विषयावर सखोल अभ्यास आहे. ह्या चर्चेमध्ये समोर आलेले काही मुद्दे असे -
१.      भारतामधील फार्मा कंपन्या औषधांवर ४० ते ५० पट नफा कमावतात. त्यामुळे सामान्य जनतेला औषधे परवडत नाहीत. भारतातील औषध कंपन्या नगण्य रिसर्च करतात, तरीसुद्धा औषधे अत्यंत महाग विकतात.
२.      तामिळनाडू मध्ये सर्व सरकारी संस्थांमध्ये जेनेरिक औषधे वापरली जातात. हे इतर राज्यात देखील लागू करता येईल.  
३.      प्रोडक्ट पेटंट कायदा २००५ व त्याचे दुष्परिणाम ह्यावर देखील ह्याप्रसंगी चर्चा झाली. ह्या चर्चेत निर्माणचे  श्रेणिक लोढा, कौस्तुभ प्रभुदेसाई, संतोष, निकिता, उदय इत्यादी हजार होते.

1 comment:

  1. List of medical shops who stores generic medicines in Pune

    Mitra Medicals, Parvati, Ashwini Medicals, Shukrawar Peth, Gangadhar Medical, Shaniwar Peth, M K Medical, Ganeshkhind Road, Raj Medicals, Parihar Chowk, Aundh, Tarachand Hospital's medical store, Rasta Peth, Niranjan Medico, Narayan Peth, Lokayatan, Law College road and Janlok Medicals, Hamalnagar, Market Yard.

    Ref: http://articles.timesofindia.indiatimes.com/2013-05-08/pune/39116031_1_medicines-jan-swasthya-abhiyaan-generic-names

    ReplyDelete