'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Thursday, 13 June 2013

तीन मित्रांची दारू सोडवण्यात सौरभ सोनावणेला यश !

          ‘मी दारू पीत नाही, पण माझे अनेक मित्र पितात. त्यांची दारू कशी सोडवू?’ आपल्यापैकी अनेकांना हा प्रश्न पडतो, अनेकदा निर्माण शिबिरातही विचारला जातो. याला एक निश्चित उत्तर नाही. सौरभ सोनावणेला (निर्माण ५) मात्र आपल्या मित्रांची दारू सोडवण्यात यश मिळालंय. त्याच्या शाळेतील तीन मित्रांना अभियांत्रिकी शिक्षण घेताना दारूचे व्यसन जडले. पिअर प्रेशर, फ़्रस्ट्रेशन अशा अनेक कारणांनी ते वाढतच गेले. त्यापैकी दोघांची दारू पूर्णपणे सोडविण्यात व एकाची दारू बऱ्याच अंशी कमी करण्यात सौरभला यश लाभले आहे. ह्यासाठी सौरभने  त्याच्या मित्रांचे वेगवेगळ्या मार्गाने समुपदेशन केले. त्यांना जास्त रचनावादी कामांवर लक्ष केंद्रित करायला सांगणे, विविध छंदाना वेळ देण्यास प्रवृत्त करणे अशा विविध मार्गांचा त्यात समावेश होता.

सौरभच्या वैद्यकीय  महाविद्यालयात देखील दारूच्या व्यसनाचा मोठा प्रश्न निर्माण झाला आहे असे त्याला वाटते. त्यासाठी तो व त्याचे मित्र आनौपचारिक पद्धतीने अनेकांचे समुपदेशन करतात. त्याच्या ह्या व्यसनमुक्तीच्या कार्यासाठी शुभेच्छा ! 

2 comments:

  1. सौरभ चा मेल आय डी अथवा फोन नंबर मिळू शकतो काय?

    ReplyDelete