'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Monday, 1 May 2017

डॉक्टर - जिथे गरज आहे तिथे!

वैद्यकीय शिक्षण पूर्ण केल्यानंतर MOship पूर्ण करून ग्रामीण / आदिवासी भागात एक वर्ष आरोग्यसेवा देणाऱ्या निर्माणी डॉक्टरांच्या यादीत निर्माणच्या अजून एका मित्राने भर घातली. औरंगाबादच्या शासकीय वैद्यकीय महाविद्यालयातून शिक्षण पूर्ण केलेल्या डॉ. अरुण घुले याने प्राथमिक आरोग्य केंद्र, विडा’ (ता केज, जि बीड) येथे १ एप्रिल २०१७ पासून वैद्यकीय अधिकारी म्हणून कामास सुरवात केली.
एकीकडे आजच्या या स्पर्धेच्या (खरंतर स्पर्धा परीक्षांच्या) युगात शासकीय यंत्रणेतील नोकरीसाठी तरुणांमध्ये जीवघेणी स्पर्धा सुरु असताना दुसरीकडे आपल्या वैद्यकीय क्षेञात या सरकारी नोकरीबद्दल अनास्था का? असा प्रश्न अरुणला नेहमी सतावत होता. याचं उत्तर शोधण्यासाठी आधी पहावे करुनया तत्वावर अरुणने स्वतः वैद्यकीय अधिकारी म्हणून काम करून पाहण्याचा निर्णय घेतला.
आपल्या शासकीय यंत्रणेतील भ्रष्ट कामाचा अनुभव त्याला अगदी सुरवातीलाच आला. वैद्यकीय अधिकाऱ्यांची कमतरता असूनही कामाची जागा निवडताना अरुणला जागोजागी संघर्ष करावा लागला. पैसे दिल्याशिवाय काम होत नाहीहेच वाक्य सगळीकडे कानावर पडत असताना खमक्या अरुणने काहीतरी दिलंच पाहिजेअस आहे तर या अन्यायाला लढाच द्यायला सुरवात केली आणि अधिकाऱ्यांचे भ्रष्ट वर्तन जनतेसमोर उघडकीस आणण्याची ताकीदच अधिकाऱ्यांना दिली! त्यावर मात्र अपोआप सूत्रे हलली आणि अरुणला नोकरी मिळाली.
विडा गावातील लोकांच्या आरोग्याच्या समस्या समजावून घेऊन त्या सोडवण्याच्या, आणि त्यांचे आरोग्य अधिक निरोगी करण्याच्या निर्धाराने कामाला सुरवात करणाऱ्या अरुणला आपण सर्वजण मनःपूर्वक शुभेच्छा देऊया...

अरुण घुले, निर्माण ५

No comments:

Post a Comment