निर्माण 3 चा अश्विन पावडे ‘निमकर ऍग्रीकल्चर रीसर्च इन्स्टिट्यूट’ सातारा येथे रुजू

निर्माण 3 चा अश्विन पावडे मुळचा अकोल्याचा असून त्याने औरंगाबादमधून मेकॅनिकल इंजिनीयरींगचे शिक्षण पूर्ण केले आहे. जानेवारीमध्ये झालेल्या निर्माणच्या इंजिनीयरींग कॅम्पला तो उपस्थित होता. त्यावेळी त्याने गेल्या दोन वर्षापासून किर्लोस्करमध्ये करत असलेली नोकरी सोडण्याचा निर्णय घेतला. त्याला पुढे ग्रामीण भागात पारंपारिक उर्जेचा अधिकाधिक वापर कसा करता येईल आणि त्याद्वारे रोजगारउपलब्धी कशी होईल या विषयात काम करण्याची इच्छा आहे. यात काम करणार्‍या फलटण-सातारा येथील ‘निमकर ऍग्रीकल्चर रीसर्च इन्स्टिट्यूट’ ला अश्विन नुकताच रुजू झाला आहे. अश्विन पुढील सहा महिने डॉ. अमित राजवंशी यांच्या मार्गदर्शनाखाली रीसर्च असोसिएट म्हणून काम करेल. अश्विनला निर्माण परिवारातर्फे मनापासून शुभेच्छा!