'अर्थपूर्ण जीवनाचा समाजात शोध' घेण्यासाठी २००६ साली डॉ. अभय आणि डॉ. राणी बंग यांनी तरुणांसाठी विकसित केलेली शिक्षणप्रक्रिया म्हणजे 'निर्माण'...

समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...

'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!

गेल्या तीन महिन्यातील निर्माणींच्या धडपडींचे थोडक्यात पण नेमके वृत्त आपल्यासाठी घेऊन येतील अमोल amolsd07[at]gmail[dot]com आणि सतीश गिरसावळे girsawale.sg[at]gmail[dot]com व सीमोल्लंघन टीम!

निर्माणबद्दल अधिक माहितीसाठी - http://nirman.mkcl.org; www.facebook.com/nirmanforyouth

Monday, 27 June 2016

शेतीतज्ज्ञ – आयटीतज्ज्ञ


इलेक्ट्रॉनिक्स या विषयात इंजिनिअरिंग ची पदवी घेतल्या नंतर जयवंत पाटील याने ई-बिझनेस या विषयातून MBA चे शिक्षण घेतले. त्याला पुण्यातल्या कंपनी मध्ये उत्तम पगाराची नोकरी देखील होती. पण सिमेंट काँक्रीटच्या च्या जंगलात न अडकता त्याला निसर्गाच्या जवळ जाणार काम करायच होतं, म्हणून त्याने सेंद्रीय शेती करायचा मार्ग निवडला. आपली सगळी कमाई पणाला लावून त्याने नगर जिल्ह्यातील पारनेर तालुक्यात वाडेगव्हाण या गावी ३ एकर शेती विकत घेतली. तिथल्या डोंगराळ जमिनी मध्ये मुळा, टोमॅटो, मेथी, कोथिंबीर, ब्रोकोली सारख्या भाज्यांचं उत्पादन घेऊन दाखवलं. लहानपणी मामाच्या गावी असलेली शेती एवढाच त्याचा शेतीशी संबंध होता, पण मनात असलेली शेती विषयीची ओढ आणि शेतीच्या प्रश्नावर काम करण्याची इच्छा यामुळे तो शेतीकडे ओढला गेला.
शेतीच्या उत्पादनाला चांगला भाव मिळण्यासाठी त्यानेओ भाजीवाले डॉट कॉमही वेबसाईट देखील सुरु केली आहे. जयवंत आवर्जून आपल्या शेतीचा उल्लेख विषमुक्त शेती असा करतो. त्याच्या गावातील शेतकरी देखील आता त्याच्या वाटेवर चालण्यास उत्सुक असल्याचं तो सांगतो. “शेतीने मला काय शिकवलं तर पेशन्स, जो आजच्या युवा पिढी कडे कमी आहे. निसर्गाच्या जवळ गेल्याशिवाय तो तुम्हाला काय शिकवतो हे कळायचं नाहीअस जयवंत म्हणतो
जागतिकीकरणाच्या राड्यात आपल्या शेतजमिनी विकून शहराकडे स्थलांतर करणाऱ्या अनेक युवकांसमोर जयवंतने वेगळे उदाहरण निर्माण केले आहे. याची दखल घेऊन महाराष्ट्र राज्य शिक्षण मंडळाने त्याच्या कामाचा गौरव करणारा धडा इयत्ता ११ वी च्या मराठीच्या पाठ्यपुस्तकात समाविष्ट केला आहे.
यासाठी जयवंत चे अभिनंदन आणि त्याला पुढील वाटचालीसाठी खूप शुभेच्छा !!
स्त्रोत: जयवंत पाटील (निर्माण ३),


No comments:

Post a Comment