दलितांच्या पैशांतून स्मशानभूमीचे सुशोभीकरण ?

काही दिवसांपूर्वी एरंडोल नगरपालिकेतर्फे ‘स्मशानभूमी सुशोभीकरणा’साठी निविदा मागवण्यात आल्या होत्या. मात्र माहितीच्या अधिकाराखाली या सुशोभीकरणासाठी ‘दलित वस्ती सुधार योजने’चा निधी वापरण्यात येणार असल्याची माहिती डॉ. संग्राम पाटील व डॉ. सचिन महाले (निर्माण ५) यांना मिळाली. यावर त्यांनी तात्काळ दलित, आदिवासी व भिल्ल वस्त्यांची मीटिंग घेऊन दुसऱ्याच दिवशी रास्ता रोको आंदोलन केले. ‘या वस्त्यांमध्ये रस्ते, पथदिवे, पाणी, सार्वजनिक शौचालये अशा मूलभूत सुविधा झाल्यानंतरच सुशोभीकरण करण्यात यावे’ अशी जोरदार मागणी करण्यात आली. आंदोलनाबाबत बोलताना सचिन म्हणाला, “या आंदोलनासाठी तब्बल ७००-८०० भिल्ल व दलित बांधव रस्त्यावर होते. मात्र दुर्दैवाची गोष्ट अशी की वृत्तपत्रांना नगरपालिकेकडून जाहिराती मिळत असल्याने त्यांनी एवढ्या मोठ्या आंदोलनाची दखलसुद्धा घेतली नाही.”

स्त्रोत : डॉ. सचिन महाले- dr.sachin.mahale@gmail.com