रक्षाबंधनाच्या दिवशी समीक्षा मुरकुटे
(निर्माण ५) व तिचे सिनिअर डॉ. किटे यांनी नागपूरच्या ‘साहस’ व्यसनमुक्ती केंद्रात
दारू व तंबाखूच्या आहारी गेलेल्या मित्रांसाठी आरोग्यशिक्षण केले. दारू व
धूम्रपानाचे दुष्परिणाम हा या सत्राचा विषय होता. या सत्रात दारू व धूम्रपानाचे
शरीरावर काय दुष्परिणाम होतात याबद्दल इंटरनेटवरून डाउनलोड केलेले व्हिडीओ
दाखवण्यात आले.
‘साहस’मध्ये उपचार घेणाऱ्या रुग्णांना ३
महिने ‘साहस’मध्येच रहावे लागते. यातील अनेक रुग्ण नागपूर बाहेरील शहरातले होते.
या रुग्णांना रक्षाबंधनाला घरापासून दूर रहावे लागल्यामुळे ती कमतरता भरून
काढण्यासाठी समीक्षा व ‘साहस’मध्ये काम करणाऱ्या मुलींनी रुग्णांना राखी बांधली.
ओवाळणी म्हणून रुग्णांनी त्यांना दारू व सिगरेट यांना परत न शिवण्याचे वचन दिले. ‘साहस’चे
संचालक श्री. विजय शिंदे यांनाही समीक्षाने राखी बांधली. आजपर्यंतच्या आयुष्यातले
हे सर्वांत सुंदर रक्षाबंधन असल्याचे समीक्षाने सांगितले. सामीक्षाचे मनःपूर्वक
अभिनंदन!
No comments:
Post a Comment